اسحاق ڈار کی سول ایوی ایشن کے جاری منصوبوں پر کام تیز کرنے کی ہدایت

نائب وزیراعظم اور وزیرِ خارجہ سینیٹر اسحاق ڈار کی زیرِ صدارت سول ایوی ایشن سیکٹر کا اہم جائزہ اجلاس منعقد ہوا، جس میں ملک کے آپریشنل نظام، بنیادی ڈھانچے کی اپ گریڈیشن اور بین الاقوامی فضائی رابطوں کو فروغ دینے کے امور پر تفصیلی غور کیا گیا۔

اجلاس میں موجودہ فضائی انفراسٹرکچر کی جدید کاری اور عالمی سطح پر پروازوں کے نئے روٹس کی توسیع پر پیش رفت کا جائزہ لیا گیا۔ نائب وزیراعظم نے ملکی معیشت، تجارت اور سیاحت کے فروغ میں جدید سول ایوی ایشن کی تزویراتی اہمیت پر زور دیتے ہوئے تمام جاری ترقیاتی منصوبوں کو مقررہ وقت پر مکمل کرنے اور ان پر کام کی رفتار مزید تیز کرنے کی ہدایات جاری کیں۔

اسحاق ڈار نے متعلقہ حکام کو سخت تاکید کی کہ فضائی سروسز اور ایئرپورٹ کے نظام میں عالمی حفاظتی (Safety) اور آپریشنل معیارات کی مکمل پاسداری یقینی بنائی جائے تاکہ بین الاقوامی اداروں کا اعتماد مزید مستحکم ہو۔