پاکستان سٹاک مارکیٹ میں پہلے ٹریڈنگ سیشن کا مثبت زون میں اختتام

پاکستان اسٹاک ایکسچینج (PSX) میں کاروباری ہفتے کے پانچویں اور آخری روز پہلے ٹریڈنگ سیشن کا اختتام مثبت زون میں ہوا ہے۔ کاروبار کے آغاز پر ہنڈرڈ (100) انڈیکس میں زبردست تیزی دیکھی گئی اور ایک وقت میں انڈیکس 500 سے زائد پوائنٹس کے اضافے کے ساتھایک لاکھ 78 ہزار 694 پوائنٹس کی ریکارڈ سطح پر پہنچ گیا۔ تاہم، بعد ازاں کچھ پرافٹ ٹیکنگ کے باعث انڈیکس میں کمی آئی اور پہلا سیشن ۷۴ پوائنٹس کے مجموعی اضافے کے ساتھ 100 انڈیکس 74 پوائنٹس بڑھ کر ایک لاکھ 78 ہزار 198 پوائنٹس کی نفسیاتی حد پر بند ہوا۔ پہلے ٹریڈنگ سیشن کے دوران مارکیٹ میں زبردست کاروباری سرگرمیاں دیکھنے میں آئیں، جہاں 14 ارب روپے مالیت کے 29 کروڑ شیئرز کا کاروبار ہوا۔ یاد رہے کہ گزشتہ کاروباری روز اسٹاک مارکیٹ کا ہنڈرڈ انڈیکس ایک لاکھ ۷۸ ہزار ۱۲۳ پوائنٹس کی سطح پر بند ہوا تھا۔