اردوان کا ٹرمپ سے رابطہ، ترکیہ کی امن بحالی کی کوششوں سے آگاہ کیا

ترکیہ کے صدر رجب طیب اردوان نے امریکی صدر ڈونلڈ ٹرمپ سے ٹیلی فونک رابطہ کیا ہے، جس میں دونوں رہنماؤں کے درمیان خطے کی موجودہ صورتحال اور عالمی تنازعات پر تفصیلی تبادلہ خیال کیا گیا۔

ترک صدارتی دفتر کی جانب سے جاری کردہ بیان کے مطابق صدر رجب طیب اردوان نے امریکی صدر ڈونلڈ ٹرمپ کو آگاہ کیا کہ ترکیہ، سعودی عرب اور پاکستان کے ساتھ اپنے دفاعی اتحاد کے دائرہ کار میں آبنائے ہرمز اور یمن میں درپیش گشیدہ مسائل کو جنگ کے بجائے پُرامن اور سفارتی ذرائع سے حل کرنے کے لیے بھرپور کوششیں کر رہا ہے۔ اس کے علاوہ ترک صدر نے صدر ٹرمپ کو یہ بھی باور کرایا کہ ترکیہ روس اور یوکرین کے درمیان طویل عرصے سے جاری تباہ کن جنگ کے خاتمے اور دونوں ممالک کے مابین امن کے قیام کے لیے سفارتی عمل کو بحال کرنے کی تمام بین الاقوامی کوششوں کی بھرپور حمایت کرنے کے لیے مکمل طور پر تیار ہے۔