روس کو عالمی گیس مارکیٹ سے نکالنے کی کوششوں کے سنگین نتائج ہوں گے، صدر پوتن

روسی صدر ولادیمیر پوتن نے ماسکو میں گیس برآمد کرنے والے ممالک کے فورم (GECF) کے آٹھویں سربراہی اجلاس سے خطاب کرتے ہوئے خبردار کیا ہے کہ روس کو عالمی گیس مارکیٹ سے باہر کرنے کی کوششوں کے سنگین نتائج برآمد ہوں گے اور اس سے غیر ملکی کمپنیوں و صارفین کے اخراجات میں غیر معمولی اضافہ ہو گا۔ انہوں نے کہا کہ قدرتی گیس کا عالمی توانائی، صنعت اور زراعت میں کردار مزید مضبوط ہو گا اور روس دنیا کو گیس فراہم کرنے والا قابلِ اعتماد شراکت دار رہے گا۔ صدر پوتن نے نارڈ اسٹریم گیس پائپ لائن کی تباہی کو براہِ راست دہشت گردی قرار دیا اور واضح کیا کہ GECF کے رکن ممالک، جن کے پاس دنیا کے 70 فیصد گیس ذخائر ہیں، بغیر کسی سازش اور جوڑ توڑ کے باہمی تعاون کو شفاف انداز میں آگے بڑھا رہے ہیں۔