آئی سی سی ویمنز ایمرجنگ نیشنز ٹرافی کیلئے پاکستانی سکواڈ کا اعلان

پاکستان کرکٹ بورڈ (پی سی بی) نے متحدہ عرب امارات کی امارتِ عجمان میں 12 سے 25 نومبر تک کھیلی جانے والی آئی سی سی ویمنز ایمرجنگ نیشنز ٹرافی کے لیے قومی خواتین کرکٹ اسکواڈ کا اعلان کر دیا ہے۔ 15 رکنی اسکواڈ کی قیادت منیبہ علی کریں گی جبکہ عائشہ ظفر نائب کپتان ہوں گی۔ ایشین گیمز کی برونز میڈلسٹ ٹیم کی 12 کھلاڑیوں نے اپنا مقام برقرار رکھا ہے، جن میں ایمان نصیر، صدف شمس، شوال ذوالفقار، نشرہ سندھو، طوبہ حسن، امِ ہانی، اور فاسٹ باؤلر وحیدہ اختر شامل ہیں۔ 10 ٹیموں کے اس ٹورنامنٹ میں پاکستان کو گروپ بی میں بنگلہ دیش، تھائی لینڈ، نیدرلینڈز اور زمبابوے کے ساتھ رکھا گیا ہے۔ قومی ٹیم کا 3 روزہ تربیتی کیمپ 7 سے 9 نومبر تک لاہور میں منعقد ہو گا جس کے بعد ٹیم یو اے ای روانہ ہو گی۔