پٹرول اور ڈیزل کی قیمتوں میں اضافہ، نئی قیمتیں مقرر

حکومت نے عوام پر ایک بار پھر مہنگائی کا بوجھ ڈالتے ہوئے پیٹرول اور ہائی اسپیڈ ڈیزل کی قیمتوں میں اضافے کا اعلان کر دیا ہے، جس کا اطلاق فوری طور پر کر دیا گیا ہے۔

وفاقی حکومت کی جانب سے جاری کردہ نوٹیفکیشن کے مطابق پیٹرول کی قیمت میں 1 روپے 85 پیسے فی لٹر اضافہ کیا گیا ہے، جس کے بعد پیٹرول کی نئی قیمت بڑھ کر 377 روپے 91 پیسے فی لٹر ہو گئی ہے۔ اسی طرح ہائی اسپیڈ ڈیزل کی قیمت میں 1 روپے 75 پیسے فی لٹر کا اضافہ کیا گیا ہے، اور اس اضافے کے بعد ڈیزل کی نئی قیمت 399 روپے 82 پیسے فی لٹر مقرر کی گئی ہے۔