وزیراعظم نے مسلم لیگ ن خیبر پختونخوا کا اہم اجلاس آج طلب کر لیا

وزیر اعظم شہباز شریف نے مسلم لیگ ن خیبر پختونخوا کا ایک اہم مشاورتی اجلاس آج طلب کر لیا ہے، جس میں صوبے کی سیاسی صورتحال اور پارٹی امور پر تفصیلی غور کیا جائے گا۔

باخبر ذرائع کے مطابق یہ اہم اجلاس مسلم لیگ ن خیبر پختونخوا کے صدر اور وفاقی وزیر انجینئر امیر مقام کی خصوصی تجویز پر طلب کیا گیا ہے، جس کا بنیادی مقصد صوبے میں پارٹی کی تنظیم نو اور آئندہ کا لائحہ عمل حتمی شکل دینا ہے۔ اس اہم اجلاس میں مسلم لیگ ن خیبر پختونخوا سے تعلق رکھنے والے اراکینِ قومی اسمبلی، سینیٹرز، صوبائی اسمبلی کے اراکین اور جماعت کے تمام اہم عہدیدار شرکت کریں گے۔