بانی پی ٹی آئی کی بہن نورین نیازی جیل سے پنجاب کارڈیالوجی منتقل

پاکستان تحریک انصاف (پی ٹی آئی) کے بانی عمران خان کی بہن نورین نیازی کو طبیعت خراب ہونے پر کوٹ لکھپت جیل لاہور سے فوری طور پر پنجاب انسٹی ٹیوٹ آف کارڈیالوجی (پی آئی سی) منتقل کر دیا گیا ہے۔

مفصلات کے مطابق تحریک انصاف کے بانی کی ہمشیرہ نورین نیازی کے وکیل رانا مدثر عمر نے ان کی اسپتال منتقلی کی باضابطہ تصدیق کرتے ہوئے ان کی بگڑتی ہوئی صحت سے متعلق تفصیلی احوال بیان کیا ہے۔ وکیل کا کہنا ہے کہ نورین نیازی کو اچانک دل میں شدید تکلیف محسوس ہوئی تھی، جس پر جیل حکرموں نے فوری قدم اٹھاتے ہوئے انہیں اسپتال منتقل کیا جہاں ڈاکٹروں کی نگرانی میں ان کے ابتدائی طبی ٹیسٹ اور چیک اپ کا عمل جاری ہے۔ واضح رہے کہ نورین نیازی کو اس سے قبل لاہور کی کوٹ لکھپت جیل میں نظر بند رکھا گیا تھا۔