انٹربینک میں روپے کی قدر میں بہتری، ڈالر مزید سستا ہوگیا

انٹربینک مارکیٹ میں پاکستانی روپے کے مقابلے میں امریکی ڈالر کی قدر میں مزید کمی واقع ہوئی ہے اور روپیہ مزید مستحکم ہو گیا ہے۔

کاروباری ہفتے کے تیسرے روز انٹربینک مارکیٹ میں امریکی کرنسی کی قیمت میں 3 پیسے کی معمولی کمی ریکارڈ کی گئی، جس کے نتیجے میں کاروبار کے اختتام پر انٹربینک میں ڈالر 276 روپے 77 پیسے کی سطح پر بند ہوا۔ واضح رہے کہ گزشتہ روز کاروباری سیشن کے اختتام پر انٹربینک میں ڈالر 276 روپے 80 پیسے پر بند ہوا تھا، جس سے یہ ظاہر ہوتا ہے کہ روپے کی قدر میں بتدریج بہتری کا سلسلہ جاری ہے۔