معاشی محاذ پر بڑی کامیابی؛ اسٹیٹ بینک کے زرمبادلہ ذخائر میں پونے 2 ارب ڈالر سے زائد کا بڑا اضافہ

پاکستان کے لیے معاشی محاذ سے بڑی اور خوش آئند خبر سامنے آئی ہے۔ اسٹیٹ بینک آف پاکستان کی جانب سے جاری کردہ ہفتہ وار رپورٹ کے مطابق، مرکزی بینک کے سرکاری زرمبادلہ ذخائر میں ایک ہی ہفتے کے دوران 1 ارب 94 کروڑ 40 لاکھ ڈالر کا ریکارڈ اضافہ ہوا ہے، جس کے بعد اسٹیٹ بینک کے پاس موجود ذخائر بڑھ کر 18 ارب 47 کروڑ 10 لاکھ ڈالر کی مستحکم سطح پر پہنچ گئے ہیں۔ مرکزی بینک کا کہنا ہے کہ سرکاری ذخائر میں یہ نمایاں اضافہ حکومت کو بین الاقوامی مالیاتی اداروں سے حاصل ہونے والے قرضوں کی رقم کے باعث ہوا ہے۔ دوسری جانب، ملک کے تجارتی (کمرشل) بینکوں کے زرمبادلہ ذخائر 5 ارب 51 کروڑ 77 لاکھ ڈالر ریکارڈ کیے گئے ہیں، جس کے بعد پاکستان کے مجموعی زرمبادلہ کے ذخائر مجموعی طور پر 23 ارب 98 کروڑ 87 لاکھ ڈالر کی بلند ترین سطح پر آ گئے ہیں۔