ملک بھر میں سونے چاندی کی قیمتوں میں کمی

ملک بھر میں سونے اور چاندی کی قیمتوں میں نمایاں کمی ریکارڈ کی گئی ہے۔ آل صرافہ مارکیٹ اینڈ جیولرز ایسوسی ایشن کے مطابق، مقامی صرافہ بازار میں 24 قیراط فی تولہ سونے کی قیمت 2,500 روپے کی بڑی کمی کے بعد 4 لاکھ 34 ہزار 936 روپے پر آگئی ہے، جبکہ 10 گرام سونے کا بھاؤ 2,143 روپے کم ہوکر 3… لاکھ 72 ہزار 887 روپے ہو گیا ہے۔ اسی طرح، 24 قیراط فی تولہ چاندی کے دام بھی 120 روپے گھٹ کر 6 ہزار 559 روپے کی سطح پر آگئے ہیں۔ عالمی مارکیٹ میں بھی مندی کا رجحان رہا جہاں فی اونس سونا 25 ڈالر کی کمی کے ساتھ 4 ہزار 125 ڈالر پر بند ہوا۔ صرافہ ڈیلرز کا کہنا ہے کہ انٹرنیشنل مارکیٹ کے اثرات کے باعث مقامی مارکیٹ میں گزشتہ دو روز کے دوران فی تولہ سونے کی قیمت میں مجموعی طور پر 4 ہزار 900 روپے کی بھاری کمی واقع ہو چکی ہے۔