پاکستان اسٹاک ایکسچینج میں زبردست تیزی؛ 100 انڈیکس 470 پوائنٹس اضافے کے ساتھ 184521 پر بند، 55 ارب سے زائد کا کاروبار

پاکستان اسٹاک ایکسچینج (PSX) میں کاروباری ہفتے کا اختتام زبردست تیزی کے ساتھ ہوا، جہاں کے ایس ای 100 انڈیکس 470 پوائنٹس کے اضافے کے بعد 184521 پوائنٹس کی سطح پر بند ہوا۔ مارکیٹ میں اتار چڑھاؤ کے دوران انڈیکس نے 185890 پوائنٹس کی بلند ترین اور 184214 پوائنٹس کی کم ترین سطح کو چھوا۔ دن بھر بازارِ حصص میں سرمایہ کاروں کی گہری دلچسپی دیکھی گئی، جس کے باعث 55 ارب 79 کروڑ روپے مالیت کے 99 کروڑ 48 لاکھ شیئرز کے سودے مارکیٹ کا حصہ بنے۔ مارکیٹ میں مجموعی طور پر 563 کمپنیوں کے شیئرز کا کاروبار ہوا، جن میں سے 256 کمپنیوں کی قیمتوں میں اضافہ، 217 میں کمی جبکہ دیگر کی قیمتیں مستحکم رہیں۔