پاکستان میں ایئر کارگو شپمنٹس پر اضافی چارجز، ایکسپورٹرز میں تشویش

لاہور: مشرق وسطیٰ میں جاری کشیدگی کے اثرات پاکستان پر بھی محسوس کیے جانے لگے ہیں۔ ملک کے تمام بین الاقوامی ایئرپورٹس پر کارگو شپمنٹس پر اضافی چارجز عائد کیے جانے کا معاملہ سامنے آیا ہے۔

پاکستان فروٹ اینڈ ویجیٹبل ایکسپورٹرز ایسوسی ایشن (PFVA) نے اس پر گہری تشویش کا اظہار کیا اور ڈی جی پاکستان ایئرپورٹ اتھارٹی کو خط لکھ کر فوری کارروائی کا مطالبہ کیا۔ گراؤنڈ ہینڈلنگ کمپنیوں نے ایئر کارگو شپمنٹس پر فی کلو 50 روپے ایڈہاک چارجز عائد کر دیے، جس سے ایکسپورٹرز پر اضافی مالی بوجھ پڑ رہا ہے اور سبزیوں و پھلوں کی ایکسپورٹ رکنے کا خطرہ بڑھ گیا ہے۔

خط میں کہا گیا کہ اضافی چارجز فوری واپس لیے جائیں اور گراؤنڈ ہینڈلنگ کمپنیوں سے وضاحت طلب کی جائے۔ ایکسپورٹ رکنے کی صورت میں ملک کو کروڑوں ڈالر کا زرمبادلہ نقصان ہو سکتا ہے۔

اس سے قبل گوشت ایکسپورٹ کرنے والی کمپنیوں کی ایسوسی ایشن نے بھی اسی معاملے پر شدید احتجاج کیا تھا