شوبز چھوڑنے کا کبھی نہیں سوچا، شہرت ملنا ناقابلِ یقین احساس تھا: سنبل اقبال

معروف اداکارہ سنبل اقبال نے واضح کیا ہے کہ انہوں نے کبھی بھی شوبز انڈسٹری چھوڑنے کا نہیں سوچا کیونکہ جس کام کو انسان اپنی زندگی کا قیمتی وقت دے، اسے اچانک چھوڑ دینا سمجھداری نہیں۔ ایک نجی پروگرام میں گفتگو کرتے ہوئے انہوں نے کہا کہ وہ اپنے کام اور مداحوں کی محبت پر اللہ کی شکر گزار ہیں۔ سنبل اقبال نے بتایا کہ انہوں نے اپنے کیریئر میں ہر طرح کے کام کو تسلیم کیا اور مشکلات کے باوجود ہمت نہ ہارنے کو اپنا اصول بنایا ہے۔ ان کا کہنا تھا کہ شہرت اللہ کی دین ہے اور اسے سنبھال کر رکھنا ہی اصل کامیابی ہے۔