بھارتی گلوکار کرشناراج 75 برس کی عمر میں چل بسے، فلمی دنیا سوگوار

بھارت کی تامل فلم انڈسٹری کے نامور گلوکار کرشناراج 75 برس کی عمر میں چنئی میں انتقال کر گئے۔ تامل ناڈو کے وزیراعلیٰ وجے، گلوکارہ انورادھا سری رام، چنمئی، سجاتھا موہن اور اداکار سرتھ کمار سمیت دیگر شوبز شخصیات نے ان کی وفات پر گہرے دکھ اور افسوس کا اظہار کیا ہے۔ کرشناراج نے اپنے کیریئر کے دوران 300 سے زائد یادگار گیت ریکارڈ کرائے، خصوصاً 1990 اور 2000 کی دہائیوں میں معروف موسیقار دیوا کے ساتھ ان کی جوڑی انتہائی مقبول رہی۔ 1997 کی ہٹ فلم ’’پورکالم‘‘ کا ان کا گیت ’’تھنجاوورو مانو ایڈتھو‘‘ تاریخی حیثیت رکھتا ہے، جو سنگاپور کے سابق صدر ایس آر ناتھن کی آخری خواہش پر ان کی آخری رسومات کے موقع پر بھی بجایا گیا تھا۔