حنا جاوید قتل کیس: پوسٹ مارٹم رپورٹ میں سنگین تشدد کی تصدیق

معروف حنا جاوید قتل کیس میں تشدد کی مزید تصاویر اور اصل پوسٹ مارٹم رپورٹ منظرِ عام پر آ گئی ہے، جس میں مقتولہ کے جسم پر تشدد اور متعدد سنگین زخموں کی تصدیق ہو گئی ہے۔ رپورٹ کے مطابق 20 اگست کو قتل ہونے والی حنا جاوید کے چہرے، گردن، بازوؤں اور ہاتھوں پر گہرے زخموں کے نشانات پائے گئے، جبکہ ان کی گردن ٹوٹی ہوئی اور ہونٹ پھٹے ہوئے تھے۔ دریں اثنا، پارلیمنٹ کی داخلہ کمیٹی نے اس ہولناک کیس پر غور کے لیے 29 اکتوبر کو اہم اجلاس بلا لیا ہے جس میں ایڈیشنل آئی جی، آر پی او، ایس ایس پی انویسٹی گیشن اور مقتولہ کے اہلِ خانہ کو طلب کیا گیا ہے۔ اہلِ خانہ نے پولیس کی تفتیش پر عدم اعتماد کا اظہار کرتے ہوئے واقعے کی شفاف تحقیقات کے لیے جوڈیشل کمیشن تشکیل دینے کا پرزور مطالبہ کیا ہے۔