والد والدہ سے اتنی محبت کرتے تھے کہ میکے جانے پر طلاق کا جعلی نوٹس بھجوا دیا: اسماء عباس

پاکستان شوبز انڈسٹری کی معروف اداکارہ اسماء عباس نے ایک پوڈ کاسٹ میں اپنے والد، نامور ادیب اور صحافی احمد بشیر کی زندگی کے حوالے سے کئی دلچسپ اور انوکھے انکشافات کیے ہیں۔ اداکارہ نے بتایا کہ ان کے والد نے پہلی شادی خاندان میں مرضی کے خلاف کی تھی جس کے بعد انہوں نے پہلی اہلیہ کو طلاق دے کر ان کی والدہ سے دوسری شادی کی، جو ان سے بے پناہ محبت کرتے تھے۔ اسماء عباس نے ایک واقعہ شیئر کرتے ہوئے بتایا کہ والدہ کے میکے جانے پر والد نے انہیں فوری واپس بلانے کے لیے ڈرانے کی خاطر جعلی طلاق کا نوٹس تک بھجوا دیا تھا جس پر وہ گھبرا کر واپس لوٹ آئیں۔ واضح رہے کہ اسماء عباس کا تعلق ایک ادبی اور فنکار گھرانے سے ہے، ان کی بہن بشریٰ انصاری صفِ اول کی فنکارہ ہیں جبکہ ان کی والدہ اور والد نے بھی علمی و فنی حلقوں میں نمایاں نام پیدا کیا۔