جرمن گیمنگ انفلوئنسر مینوئل اوٹو 30 سال کی عمر میں انتقال کر گئے

جرمنی سے تعلق رکھنے والے معروف گیمنگ انفلوئنسر اور مقبول ملٹی پلیئر گیم ’اسٹک رَن‘ کے خالق مینوئل اوٹو 30 برس کی عمر میں انتقال کر گئے ہیں۔ امریکی ویب سائٹ ٹی ایم زیڈ اور گیم کے ترجمان کے مطابق ان کی موت ایک لائیو سٹریم کے دوران پیش آنے والے واقعے کے بعد ہوئی، جبکہ ترجمان نے بظاہر خودکشی کا شبہ ظاہر کیا ہے۔ مینوئل اوٹو نے محض 14 سال کی عمر میں ’اسٹک رَن‘ تیار کر کے آن لائن گیمنگ کی دنیا میں نمایاں شہرت حاصل کی تھی۔ اگرچہ بعض رپورٹس میں جرمنی میں آتش زدگی کے واقعے سے اس کا ممکنہ تعلق جوڑا جا رہا ہے، تاہم حکام اور ترجمان کی جانب سے موت کی حتمی وجوہات کی باضابطہ تصدیق نہیں کی گئی، جبکہ مداحوں اور گیمنگ کمیونٹی کی جانب سے ان کے انتقال پر گہرے دکھ اور افسوس کا اظہار کیا جا رہا ہے۔