سجاد علی کے بھائی وقار علی پھیپھڑوں کے کینسر میں مبتلا

پاکستان کے نامور گلوکار اور موسیقار وقار علی چوتھے مرحلے کے پھیپھڑوں کے کینسر کا شکار ہو گئے ہیں۔ عالمی شہرت یافتہ گلوکار سجاد علی کے بھائی وقار علی نے فوٹو اینڈ ویڈیو شیئرنگ ایپ انسٹاگرام پر اپنی بیماری کا انکشاف کرتے ہوئے مداحوں کو بتایا کہ یہ ان اور ان کے خاندان کے لیے نہایت کٹھن وقت ہے، تاہم وہ ایمان اور حوصلے کے ساتھ اس عزم کے ساتھ آگے بڑھ رہے ہیں۔ انہوں نے اپنے طویل فنی سفر میں مداحوں کی جانب سے ملنے والی محبت کا شکریہ ادا کرتے ہوئے عاجزی کے ساتھ صحت یابی کے لیے خصوصی دعاؤں کی درخواست کی ہے۔ اس خبر کے سامنے آنے کے بعد شوبز شخصیات اور مداحوں کی جانب سے ان کی جلد صحت یابی کے لیے نیک تمناؤں کا اظہار کیا جا رہا ہے۔