ایکشن کامیڈی تھرلر One Battle After Another نے6 بافٹا ایوارڈز جیت لیے

برطانوی فلم انڈسٹری کے سب سے معتبر اعزازات ‘بافٹا’ (BAFTA) میں ایکشن، تھرل اور کامیڈی سے بھرپور فلم “One Battle After Another” نے کامیابی کے جھنڈے گاڑ دیے ہیں، فلم نے مجموعی طور پر 6 ایوارڈز جیت کر میلہ لوٹ لیا۔

لندن میں منعقدہ رنگا رنگ تقریب میں “One Battle After Another” کو بہترین برطانوی فلم، بہترین سینماٹوگرافی (Cinematography)، بہترین معاون اداکار اور بہترین ایڈیٹنگ سمیت دیگر اہم کیٹیگریز میں فاتح قرار دیا گیا۔ اس فلم نے دو بڑی کیٹیگریز میں آسکر کے لیے ریکارڈ نامزدگیاں حاصل کرنے والی ویمپائر تھرلر ‘سنرز’ (Sinners) اور جذباتی کہانی پر مبنی فلم ‘ہیمنٹ’ (Hamnet) جیسی فیورٹ فلموں کو بھی پیچھے چھوڑ دیا۔

برطانیہ کے اس سب سے بڑے ایوارڈ شو میں شہزادہ ولیم اور شہزادی کیٹ مڈلٹن نے بطور مہمانِ خصوصی شرکت کی، جن کی موجودگی نے تقریب کو چار چاند لگا دیے۔ فلمی ناقدین کے مطابق “One Battle After Another” کی اس بڑی کامیابی نے اسے آنے والے آسکرز کے لیے بھی مضبوط امیدوار بنا دیا ہے۔