روس نے اسرائیل کے ماسکو پر یہود دشمن مہم میں ملوث ہونے کے الزامات مسترد کر دیے

روس نے اسرائیلی وزیراعظم بنیامین نیتن یاہو کی جانب سے انٹرنیٹ پر یہود دشمن (Anti-Semitic) مہم میں روس کے مبینہ کردار سے متعلق عائد کردہ الزامات کو مکمل طور پر بے بنیاد، مضحکہ خیز اور حقائق کے منافی قرار دیتے ہوئے ان پر شدید حیرت کا اظہار کیا ہے۔

روسی وزارتِ خارجہ نے اسرائیلی وزیراعظم کے بیانات پر ردِعمل دیتے ہوئے کہا کہ ماسکو کو نیتن یاہو کی جانب سے روس کے خلاف ایسے بیانات پر تعجب ہوا ہے، خصوصاً اس لیے کہ روس اور اسرائیل کے درمیان مضبوط تاریخی اور ثقاقتی تعلقات قائم ہیں۔ ترجمان کے مطابق روس میں مختلف قومیتوں اور مذاہب کے درمیان باہمی احترام اور ہم آہنگی کی سرکاری پالیسی کے باعث یہود دشمنی کے واقعات نہ ہونے کے برابر ہیں، جس کا اعتراف خود اسرائیلی حکام بھی متعدد بار کر چکے ہیں۔

روسی وزارتِ خارجہ نے اپنے موقف میں مزید کہا کہ ان حقائق کی موجودگی میں روس کو آن لائن یہود دشمن مہم سے جوڑنے کی کوششیں بلاجواز ہیں اور ماسکو ایسے تمام الزامات کو مکمل طور پر مسترد کرتا ہے۔