یوکرین کیساتھ معاہدہ ممکن، روس کو میدان جنگ میں شکست نہیں دی جا سکتی: صدر پوتن

روسی صدر ولادیمیر پوتن نے ایک روسی نیوز چینل کو دیے گئے خصوصی انٹرویو میں کہا ہے کہ روس اور یوکرین کے درمیان حتمی معاہدہ ممکن ہے کیونکہ دونوں ممالک کے عوام درحقیقت ایک ہی قوم ہیں، تاہم انہوں نے واضح کیا کہ روس کو میدانِ جنگ میں اسٹریٹجک شکست دینا ناممکن ہے۔

صدر پوتن کے مطابق روس تنازع کا پُرامن حل چاہتا ہے اور مذاکرات کے ذریعے تمام اختلافات حل کیے جا سکتے ہیں۔ تاہم انہوں نے یوکرین کے ضم شدہ علاقوں کے نقصان کا تاثر رد کرتے ہوئے کہا کہ وہ تاریخی طور پر روس کا حصہ ہیں، جہاں کے عوام نے ووٹ کے ذریعے روس کا ساتھ منتخب کیا۔ انہوں نے یورپی ممالک کی روس مخالف پالیسیوں کو ‘سیاسی شیزوفرینیا’ قرار دیتے ہوئے کہا کہ روس یورپ کے ساتھ جنگ کا خواہاں نہیں۔ یوکرینی قیادت کو تنقید کا نشانہ بناتے ہوئے ان کا کہنا تھا کہ وہاں شہریوں کو زبردستی محاذ پر بھیجا جا رہا ہے اور فوج سے فرار ہونے والوں کی تعداد 5 لاکھ تک پہنچ چکی ہے۔

امریکی انتظامیہ کے ساتھ رابطوں کا ذکر کرتے ہوئے صدر پوتن نے بتایا کہ روس، امریکہ اور یوکرین کے درمیان سہ فریقی رابطے دوبارہ شروع کرنے پر اتفاق ہوا ہے۔ انہوں نے صراحت کی کہ روس عارضی جنگ بندی کے بجائے حتمی امن معاہدے اور دونوں ممالک کی دائم سلامتی کی ضمانتوں پر بات چیت کا خواہاں ہے، جبکہ ‘اسپیشل ملٹری آپریشن’ کے تمام اہداف ہر صورت حاصل کیے جائیں گ