لاہور: جعلی نمبر پلیٹ کا استعمال، یوٹیوبر رجب بٹ کی لینڈ کروزر تھانے بند، مقدمہ درج

لاہور کے علاقے سندر کی پولیس نے این ایف سی پل کے قریب اینٹی کرائم سیکیورٹی چیکنگ کے دوران غیر قانونی اور جعلی نمبر پلیٹ پر معروف یوٹیوبر رجب بٹ کی لینڈ کروزر کو تحویل میں لے کر تھانے بند کر دیا ہے۔ پولیس کے مطابق گاڑی پر سرکاری نمونے کے برعکس جعلی نمبر پلیٹ نصب کی گئی تھی، جس پر گاڑی کا ڈرائیور موسیٰ خان موقع پر کوئی تسلی بخش جواب یا قانونی دستاویزات پیش کرنے میں ناکام رہا۔ سندر پولیس نے گاڑی کے ڈرائیور کے خلاف فوری طور پر مقدمہ درج کر لیا ہے، جبکہ ابتدائی تحقیقات میں گاڑی کی ملکیت یوٹیوبر رجب بٹ سے ثابت ہوئی ہے۔ حکام کا کہنا ہے کہ گاڑی کی ملکیت اور جعل سازی سے متعلق مزید قانونی کارروائی عمل میں لائی جا رہی ہے۔