وِل اسمتھ پر غیر اخلاقی حرکات کا الزام، جیڈا اسمتھ نے بڑا قدم اٹھا لیا

ہالی ووڈ اداکارہ جیڈا پنکیٹ اسمتھ نے اپنے شوہر وِل اسمتھ کے سابق قریبی دوست بلال سلام کے خلاف اہم قانونی قدم اٹھا لیا ہے۔

برطانوی اخبار ڈیلی میل کی جانب سے حاصل کردہ عدالتی دستاویزات کے مطابق فلم Scream 2 کی اداکارہ نے کیلیفورنیا کی عدالت میںدرخواست دائر کی ہے کہ دسمبر 2025 میں بلال سلام کی جانب سے دائر کیا گیا 30 لاکھ ڈالر کا مقدمہ خارج کیا جائے۔بلال سلام نے اپنے مقدمے میں الزام عائد کیا تھا کہ جیڈا پنکیٹ اسمتھ نے ایک ہوٹل میں انہیں دھمکیاں دی تھیں۔ تاہم نئی درخواست میں جیڈا نے مؤقف اختیار کیا کہ بلال، جو طویل عرصے تک وِل اسمتھ کے ساتھ بطور موسیقار وابستہ رہے، دراصل اسمتھ خاندان کے خلاف مبینہ عوامی مہم کے تحت توجہ حاصل کرنے کی کوشش کر رہے ہیں۔عدالتی مؤقف میں کہا گیا کہ مدعی نے بغیر کسی ثبوت کے میڈیا کو انٹرویوز دیتے ہوئے دعویٰ کیا کہ انہوں نے ذاتی طور پر وِل اسمتھ کو نامناسب جنسی حرکات میں ملوث دیکھا۔ درخواست میں ان الزامات کو بے بنیاد، غیر مصدقہ اور ہراساں کرنے کی کوشش قرار دیا گیا۔یہ قانونی پیش رفت اس وقت سامنے آئی جب بلال سلام نے پوڈکاسٹ Unwine With Tasha K میں گفتگو کے دوران دعویٰ کیا کہ انہوں نے وِل اسمتھ کو اداکار ڈوانے مارٹن کے ساتھ قابل اعتراض صورتحال میں دیکھا۔بلال نے مزید الزام لگایا کہ اگر انہوں نے جیڈا کی مبینہ پیشکش قبول نہ کی تو انہیں ’’سنگین نتائج‘‘ کا سامنا کرنا پڑ سکتا ہے۔ادھر جیڈا پنکیٹ اسمتھ کی جانب سے دائر کردہ درخواست میں ان کے اس بیان کا بھی حوالہ دیا گیا جو انہوں نے امریکی میڈیا آؤٹ لیٹ TMZ کو دیا تھا، جس میں انہوں نے واضح الفاظ میں کہا تھا: ’’ہم مقدمہ کر رہے ہیں۔‘‘عدالت میں دائر درخواست کے مطابق جیڈا کا مؤقف ہے کہ انہیں اپنے خاندان سے متعلق عوامی دلچسپی کے معاملے پر مؤقف پیش کرنے کا مکمل قانونی حق حاصل ہے، جبکہ بلال کے الزامات محض شہرت حاصل کرنے کی کوشش ہیں۔