ویمنز ٹی 20: پاکستان وائٹ واش سے بچ گیا، افریقہ کو تیسرے میچ میں شکست

بینونی: پاکستان ویمنز ٹیم نے جنوبی افریقہ کو تیسرے ٹی ٹوئنٹی انٹرنیشنل میچ میں 53 رنز سے شکست دے دی۔

پاکستان نے ٹاس جیت کر پہلے بیٹنگ کرنے کا فیصلہ کیا اور مقررہ 20 اوورز میں 7 وکٹوں کے نقصان پر 144 رنز بنائے۔ کپتان فاطمہ ثناء نے ناقابل شکست 47 رنز بنائے، جبکہ سدرہ امین اور عالیہ ریاض نے 26، 26 رنز بنا کر ٹیم کو مضبوط بنیاد فراہم کی۔ جنوبی افریقی ٹیم نے شاندار فیلڈنگ کرتے ہوئے چار رن آؤٹ کیے۔

ہدف کے تعاقب میں جنوبی افریقہ کی ٹیم 16.5 اوورز میں 91 رنز پر آل آؤٹ ہو گئی۔ پاکستان کی جانب سے سعدیہ اقبال نے 3، فاطمہ ثناء نے 2 اور عائشہ ظفر نے ایک وکٹ حاصل کی۔ پاکستان ٹیم نے بہترین فیلڈنگ کا مظاہرہ کرتے ہوئے تین رن آؤٹ کیے۔

پاکستان کی یہ فتح تھی، مگر تین ٹی ٹوئنٹی میچز کی سیریز جنوبی افریقہ کے نام 2-1 رہی۔