بوکاٹا کی گونج، قومی کرکٹر بھی بسنت کے رنگوں میں رنگ گئے

لاہور: لاہور میں 25 سال بعد بسنت کا باقاعدہ آغاز ہو گیا اور اس موقع پر قومی کرکٹر حسن علی اور ان کی اہلیہ سامعہ حسن بھی پتنگ بازی کے رنگ میں رنگ گئے۔سوشل میڈیا پر وائرل ویڈیو میں دیکھا جا سکتا ہے کہ حسن علی گڈا اُڑا رہے ہیں اور پیچا کر رہے ہیں، جبکہ ان کی اہلیہ بھی پتنگ بازی کا لطف اٹھاتی نظر آئیں۔لاہور میں بسنت 6 تا 9 فروری تک جاری رہے گی، گزشتہ رات سے شہر کی چھتیں روشن اور ہر طرف منچلے بھنگڑے ڈالتے اور “بوکاٹا” کی صدائیں بلند کرتے رہے۔