مائیکل جیکسن کا بڑا بیٹا کئی ماہ کی خاموشی کے بعد اچانک منظرِ عام پر، مداح حیران
Web Desk
1 September 2026
لاس ویگاس: آنجہانی پاپ اسٹار مائیکل جیکسن کے بڑے بیٹے پرنس جیکسن نے کئی ماہ بعد پہلی بار کسی عام اور نمایاں تقریب میں شرکت کرتے ہوئے اپنے والد کی زندگی پر مبنی بائیوپک فلم ’مائیکل‘ پر اہم گفتگو کی ہے۔
29 اگست کو لاس ویگاس کے معروف ‘منڈالے بے ریزورٹ اینڈ کیسینو’ میں مائیکل جیکسن کی 68ویں سالگرہ کی مناسبت سے ’مائیکل جیکسن وَن‘ شو کا خصوصی انعقاد کیا گیا، جس میں 29 سالہ پرنس جیکسن نے اچانک شرکت کر کے مداحوں کو حیران کر دیا۔ رواں برس اپریل میں ریلیز ہونے والی فلم ’مائیکل‘ کے بعد یہ ان کی پہلی نمایاں عوامی پیشی تھی۔ واضح رہے کہ پرنس خود بھی اس بائیوپک فلم کے پروڈیوسرز میں شامل ہیں۔
تقریب کے دوران گفتگو کرتے ہوئے پرنس جیکسن نے کہا کہ اپنے والد کی زندگی اور ان فن پر بننے والی فلم کا دنیا بھر کے لوگوں پر اثر دیکھنا ان کے لیے ایک غیر معمولی اور انتہائی جذباتی تجربہ رہا ہے۔ انہوں نے خوشی کا اظہار کرتے ہوئے کہا کہ نئی نسل کو اپنے والد کی موسیقی، انداز اور پیغام سے روشناس ہوتے دیکھ کر انہیں فخر محسوس ہوتا ہے اور انہیں امید ہے کہ اس فلم سے دنیا پر مثبت اثرات مرتب ہوں گے۔ یاد رہے کہ مائیکل جیکسن کا انتقال 2009 میں ہوا تھا، اس وقت پرنس جیکسن کی عمر محض 12 برس تھی۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026