پی ٹی اے نے موبائل سمز سے متعلق صارفین کو خبردار کر دیا

پاکستان ٹیلی کمیونیکیشن اتھارٹی (پی ٹی اے) نے شہریوں کو موبائل فون سمز کے غیر قانونی استعمال اور بائیو میٹرک دھوکہ دہی سے متعلق اہم خبردار جاری کر دیا ہے۔ پی ٹی اے کے مطابق اپنی رجسٹرڈ سم کسی دوسرے شخص کو دینا قابلِ سزا جرم ہے، کیونکہ اس کے ذریعے کوئی بھی غیر قانونی سرگرمی انجام دی جا سکتی ہے۔ اتھارٹی نے ہدایت کی ہے کہ شہری اپنے شناختی کارڈ پر رجسٹرڈ سمز کی تعداد جاننے کے لیے اپنا قومی شناختی کارڈ نمبر بغیر ڈیش کے 668 پر ایس ایم ایس کریں یا cnic.sims.pk وزٹ کریں اور کسی بھی غیر ضروری سم کو فوری بلاک کروائیں۔ نیز مفت سمز کے لالچ میں نامعلوم افراد کو بائیو میٹرک تصدیق دینے سے گریز کیا جائے اور نئی سم صرف رجسٹرڈ فرنچائز سے ہی حاصل کی جائے۔