میٹا نے متنازع تبدیلی کے حوالے سے فیصلہ واپس لے لیا

ٹیکنالوجی کی عالمی کمپنی میٹا نے انسٹاگرام اور فیس بک پر کاروباری اکاؤنٹس کے لیے متعارف کرائی گئی متنازع پالیسی پر شدید ردِعمل کے بعد اپنا فیصلہ واپس لے لیا ہے۔ اکتوبر کے وسط میں سامنے آنے والی ان شرائط کے تحت میٹا کو یہ اختیار حاصل ہو رہا تھا کہ وہ صارفین اور پبلشرز کی ویب سائٹس سے مواد اسکریپ (سکریپ) کر کے اپنے مصنوعی ذہانت (AI) کے ماڈلز کی تربیت کے لیے استعمال کر سکے۔ اس اقدام پر امریکہ اور برطانیہ کے سیاست دانوں اور کاروباری حلقوں نے شدید تحفظات کا اظہار کرتے ہوئے اسے حقوق کی خلاف ورزی قرار دیا تھا۔ عوامی غم و غصے اور قانونی و سیاسی دباؤ کو کم کرنے کے لیے میٹا نے ابتدائی طور پر شرائط سے ‘تربیت’ (Train) کا لفظ حذف کیا، تاہم مسلسل تنقید کے بعد بالآخر انسٹاگرام اور فیس بک کے کام کرنے کے اس متنازع طریقے سے پیچھے ہٹنے کا باضابطہ فیصلہ کر لیا ہے۔