پاکستان میں سیٹلائٹ انٹرنیٹ سروسز فراہم کرنے کے لیے 6 کمپنیاں رجسٹرڈ

پاکستان میں سیٹلائٹ انٹرنیٹ سروسز کی فراہمی کے لیے عالمی اور مقامی کمپنیوں کی دلچسپی میں نمایاں اضافہ ہوا ہے، جس کے تحت اب تک 6 سیٹلائٹ انٹرنیٹ کمپنیاں سیکیورٹیز اینڈ ایکسچینج کمیشن آف پاکستان (SECP) میں رجسٹرڈ ہو چکی ہیں۔ ایس ای سی پی نے سینیٹ کی قائمہ کمیٹی برائے آئی ٹی کو جمع کرائی گئی رپورٹ میں بتایا کہ رجسٹرڈ کمپنیوں میں اسٹار لنک، سپیس سیل پاکستان، ایتھر ون، فلیناوٹکس، گلیکسی سپیس اور سپیس پی شامل ہیں۔ تاہم رپورٹ میں واضح کیا گیا ہے کہ محض ایس ای سی پی رجسٹریشن سے تجارتی سروسز کی اجازت نہیں ملتی؛ بلکہ کمپنیوں کے لیے پاکستان سپیس ایکٹیویٹیز ریگولیٹری بورڈ (PSARB) کا این او سی اور وزارتِ داخلہ سے غیر ملکی ڈائریکٹرز کی سیکیورٹی کلیئرنس حاصل کرنا لازمی ہے۔ فی الوقت صرف سپیس پی نے این او سی پیش کیا ہے جبکہ اسٹارلنک سمیت دیگر کمپنیوں کی سیکیورٹی کلیئرنس التوا کا شکار ہے، جس کی تکمیل کے بعد ہی پی ٹی اے (PTA) لائسنس جاری کرے گا۔