پاکستان ای سی او وزرائے خارجہ کونسل کے 30ویں اجلاس کی میزبانی کرے گا

پاکستان رواں ماہ 15 اور 16 نومبر کو اسلام آباد میں اقتصادی تعاون تنظیم (ECO) کے وزرائے خارجہ کونسل کے 30ویں اجلاس کی میزبانی کرے گا۔ سفارتی ذرائع اور وزارتِ خارجہ کے اعلیٰ حکام کے مطابق سال 2026-27 کے لیے ای سی او کی صدارت سنبھالنے والے پاکستان نے اس اہم اجلاس میں افغانستان کی طالبان حکومت کو شرکت کی دعوت نہیں دی ہے۔ اجلاس کے دوران 10 رکن ممالک کے درمیان علاقائی تجارت کے فروغ، اقتصادی تعاون کی بہتری اور مواصلاتی و تجارتی رابطوں کی استواری جیسے اہم امور پر تفصیل سے تبادلہ خیال کیا جائے گا۔ سفارتی ذرائع کا کہنا ہے کہ یہ کانفرنس خطے میں اقتصادی استوار کاری اور مشترکہ تعاون کے نئے امکانات کو عملی شکل دینے میں اہم سنگِ میل ثابت ہوگی۔