پاکستان کی ریاض میں سعودی آرامکو عمارت پر حملے کی کوشش کی شدید مذمت

پاکستان نے سعودی عرب کے دارالحکومت ریاض میں ‘سعودی آرامکو’ کی انتظامی عمارت پر حوثی باغیوں کی جانب سے کی جانے والی حملے کی ناکام کوشش کی شدید الفاط میں مذمت کرتے ہوئے سعودی قیادت اور عوام کے ساتھ مکمل یکجہتی کا اظہار کیا ہے۔ ترجمان دفترِ خارجہ کے مطابق شہری تنصیبات کو نشانہ بنانا علاقائی سلامتی اور انسانی جانوں کے حوالے سے غیر ذمہ دارانہ طرزِ عمل ہے، اور پاکستان حوثیوں سے مطالبہ کرتا ہے کہ وہ سعودی عرب کے خلاف تمام حملے فوری اور غیر مشروط طور پر بند کریں۔ پاکستان نے بلاجواز جارحیت کا بروقت اور مؤثر جواب دینے پر سعودی حکام کی مستعدی کو سراہتے ہوئے واضح کیا کہ مملکت کی سلامتی، خودمختاری اور علاقائی سالمیت کا تحفظ پاکستان کے لیے غیر معمولی اہمیت رکھتا ہے اور اس مقصد کے لیے تمام ضروری اقدامات کی غیر متزلزل حمایت جاری رکھی جائے گی۔