مشرق وسطیٰ میں امریکی فوجی تعیناتی، ایران پر نئے حملوں کے خدشات بڑھ گئے

مشرقِ وسطیٰ میں امریکی فوجی موجودگی بڑھانے کے تازہ فیصلے کے بعد خطے میں ایران پر ممکنہ نئے حملوں کے خدشات میں شدید اضافہ ہو گیا ہے۔ امریکی حکام اور عالمی خبر ایجنسیوں کے مطابق امریکی طیارہ بردار بحری جہاز ‘یو ایس ایس تھیوڈور روزویلٹ’ نومبر کے وسط تک مشرقِ وسطیٰ پہنچ کر پہلے سے تعینات ‘یو ایس ایس جارج واشنگٹن’ کی جگہ لے گا۔ اس کے علاوہ امریکی میرینز کی 13ویں ایکسپیڈیشنری یونٹ بھی رواں ماہ کے آخر میں خطے میں اترے گی، جس کے تحت 2,200 سے زائد تربیت یافتہ امریکی میرینز اور بحری اہلکار تعینات کیے جائیں گے۔ ماہرین کے مطابق یہ پیش رفت خطے میں امریکی جنگی حکمتِ عملی کا حصہ ہے، کیونکہ امریکی میرینز سمندری آپریشنز، تلاشی اور ہنگامی چھاپوں کی خصوصی صلاحیت رکھتے ہیں۔