ناسا نے لیموں کی شکل سے ملتا جلتا سیارہ دریافت کر لیا

ماہرینِ فلکیات نے ناسا کی جیمز ویب سپیس ٹیلی سکوپ کی مدد سے ایک نیا سیارہ دریافت کیا ہے جس کی شکل لیموں جیسی ہے۔ یونیورسٹی آف شکاگو کے سائنس دانوں نے اس سیارے کا نام PSR J2322-2650b رکھا ہے۔

رپورٹس کے مطابق یہ سیارہ اپنے مرکزی ستارے یعنی پلسر سے صرف 10 لاکھ میل کے فاصلے پر گھوم رہا ہے، جس کی وجہ سے اس کا ایک سال محض 7.8 گھنٹے کا ہے۔ پلسر کی شدید کششِ ثقل نے سیارے کی شکل کو بیضوی، یعنی لیموں نما بنا دیا ہے۔

ماہرین کا کہنا ہے کہ PSR J2322-2650b کے ایٹموسفئیر میں ہیلیئم اور کاربن کی بھاری مقدار موجود ہے جس کے باعث بہت تیز ہوائیں چل رہی ہیں۔ اس کی منفرد خصوصیات ستاروں اور سیاروں کے درمیان کلاسیکی فرق کو بھی دھندلا کر سکتی ہیں۔