عمران عباس کو بھارت میں کام کے دوران کیا مشکل پیش آئی؟ اداکار کا انکشاف

معروف اداکار عمران عباس نے انکشاف کیا ہے کہ بھارتی فلم انڈسٹری میں کام کے دوران اردو کے اصل لہجے اور تلفظ کو برقرار رکھنا ان کے لیے ایک بڑا چیلنج تھا۔ ان کا کہنا ہے کہ بھارت میں اردو الفاظ کو اکثر ہندی انداز میں ادا کیا جاتا ہے، خاص طور پر حرف “خ” کی ادائیگی میں نمایاں فرق پایا جاتا ہے۔ عمران عباس نے بتایا کہ فلم ’جاں نثار‘ میں بپاشا باسو کے ساتھ کام کے دوران اور فلم ’اے دل ہے مشکل‘ کی شوٹنگ کے موقع پر بھی انہیں لسانی اختلافات کا سامنا کرنا پڑا اور بعض مقامات پر تلفظ بدلنے کا کہا گیا، تاہم انہوں نے اپنے اصل انداز پر سمجھوتہ نہیں کیا۔ ان کے مطابق ’بیوقوف‘ جیسے عام الفاظ کے تلفظ میں بھی فرق موجود تھا، جسے وہ مختلف ثقافتی پس منظر کا عکاس سمجھتے ہیں۔