اسرائیل اور لبنان کے درمیان امریکی ثالثی میں مذاکرات کا نیا دور شروع

اسرائیل اور لبنان کے درمیان امریکی ثالثی میں سیکیورٹی امور اور سرحدی تنازعات کے حل کے لیے مذاکرات کا 07 واں دور اٹلی کے دارالحکومت روم میں شروع ہو گیا ہے۔ عالمی خبر ایجنسی کے مطابق اٹلی میں قائم امریکی سفارت خانے میں جاری یہ 03 روزہ مذاکرات تکنیکی وفود کے مابین ہو رہے ہیں، جن میں اسرائیلی فوج کے اعلیٰ حکام بھی شامل ہیں۔ بات چیت کے دوران بنیادی طور پر جنوبی لبنان کی سیکیورٹی، سرحدی تنازعات، اور خطے کی تعمیرِ نو کے لیے ورکنگ گروپس کے قیام پر غور کیا جا رہا ہے۔ مذاکرات میں حزب اللہ کو غیر مسلح کرنے کا معمہ بھی زیرِ بحث ہے، جسے امریکا ایک پائیدار اور طویل المدتی امن معاہدے کی بنیادی شرط قرار دے رہا ہے، جبکہ اسرائیل سرحدی حد بندی پر پیش رفت کا خواستہ ہے۔