اوم پوری کی اہلیہ نے شوہر کے ملازمہ سے تعلقات کا انکشاف کردیا

بھارتی فلم انڈسٹری کے آنجہانی لیجنڈ اداکار اوم پوری کی وفات کے سالوں بعد ان کی پہلی اہلیہ سیما کپور نے اپنی ناکام ازدواجی زندگی کے بارے میں انتہائی دردناک انکشافات کر کے سب کو حیران کر دیا ہے۔ ایک حالیہ انٹرویو میں سیما کپور نے دعویٰ کیا کہ شادی سے محض 01 دن قبل اوم پوری نے اعتراف کیا تھا کہ ان کے گھر میں کام کرنے والی خاتون کے ساتھ تعلقات رہے ہیں، تاہم تمام تیاریاں مکمل ہونے کے باعث وہ آخری لمحے میں شادی نہ توڑ سکیں۔ انہوں نے الزام عائد کیا کہ بعد میں اوم پوری اور نندیتا پوری کی بڑھتی قربتوں کی وجہ سے ان کی شادی تباہی کا شکار ہوئی اور جب ان کی علیحدگی ہوئی تو وہ حاملہ تھیں۔ سیما کے مطابق اس ذہنی دباؤ اور شدید جذباتی صدمے کے باعث وہ اپنے ہونے والے بچے سے بھی محروم ہو گئیں۔