ٹی ٹی پی اور بی ایل اے کے خلاف کارروائیاں بڑھانے پر اتفاق، مشترکہ اعلامیہ جاری

پاکستان اور امریکہ کے درمیان 04 اگست 2026 کو واشنگٹن ڈی سی میں چوتھے دوطرفہ انسدادِ دہشت گردی مذاکرات منعقد ہوئے، جس کا باضابطہ مشترکہ اعلامیہ بھی جاری کر دیا گیا ہے۔ مذاکرات میں امریکی وفد کی قیادت کوآرڈینیٹر برائے انسدادِ دہشت گردی سفیر گریگوری لوگیرفو نے کی جبکہ پاکستانی وفد کی قیادت سفیر نبیل منیر نے کی۔ مشترکہ اعلامیے کے مطابق دونوں ممالک نے پاک-امریکہ انسدادِ دہشت گردی شراکت داری، سرحدی تحفظ اور دہشت گردوں کے سہولت کار نیٹ ورکس کے خاتمے کے لیے مشترکہ اقدامات پر تفصیلی تبادلہ خیال کیا۔ وفود نے خطے میں شہریوں کو نشانہ بنانے والی کالعدم تنظیموں جیسے کہ داعش خراسان، القاعدہ، ٹی ٹی پی (فتنہ الخوارج) اور بی ایل اے (فتنہ الہندوستان) اور ان سے وابستہ گروہوں کے خلاف کارروائیاں بڑھانے کے عزم کا اعادہ کیا۔ یہ مشترکہ اعلامیہ عالمی سطح پر دہشت گردی کے خلاف پاکستان کی لازوال قربانیوں اور سیکیورٹی اقدامات کا اہم اعتراف قرار دیا جا رہا ہے۔