اداکارہ اقرا عزیز نے بیٹی کا چہرہ پہلی بار دکھا دیا، تصاویر وائرل

پاکستانی ڈراما انڈسٹری کی معروف اداکارہ اقرا عزیز نے بالآخر اپنی نو مولود بیٹی کا چہرہ پہلی بار مداحوں کے سامنے پیش کر دیا ہے، جس کی تصاویر سوشل میڈیا پر تیزی سے وائرل ہو رہی ہیں۔

 اقرا عزیز نے اس سے قبل انسٹاگرام کے ذریعے اپنی بیٹی کی پیدائش کی اطلاع مداحوں کو دی تھی، تاہم اس وقت بیٹی کا چہرہ چھپا کر رکھا گیا تھا۔ اداکارہ نے انسٹاگرام پر ایک خوبصورت پوسٹ شیئر کرتے ہوئے بیٹی کا چہرہ دکھایا اور بتایا کہ انہوں نے اپنی بیٹی کا نام صوفیہ حسین رکھا ہے.  وائرل ہونے والی تصاویر میں ان کے بڑے بیٹے کبیر حسین کو بھی اپنی چھوٹی بہن کے ساتھ دیکھا جا سکتا ہے۔

واضح رہے کہ اداکارہ اقرا عزیز اور معروف میزبان و ہدایت کار یاسر حسین کی شادی کے بعد اب ان کے دو بچے، کبیر اور صوفیہ ہیں۔