5اگست2019، کشمیری شناخت، حقِ خودارادیت اور عالمی قوانین کی خلاف ورزی کا سیاہ باب

پاکستان اور دنیا بھر میں مقبوضہ جموں و کشمیر پر بھارتی تسلط، 05 اگست 2019 کے غیر آئینی اقدامات اور 05 سال سے زائد عرصے سے جاری انسانی حقوق کی خلاف ورزیوں کے خلاف 05 اگست کو “یومِ استحصالِ کشمیر” کے طور پر منایا جا رہا ہے۔ 05 اگست 2019 کو بھارت نے آئین کے آرٹیکل 370 اور 35A کو منسوخ کر کے مقبوضہ وادی کی خصوصی حیثیت کا یکطرفہ خاتمہ کیا تھا۔ انٹرنیشنل ہیومن رائٹس کمیشن کی رپورٹ کے مطابق قابض فوج کی جانب سے اغوا کیے گئے 7151 افراد میں سے 4190 کشمیری اب بھی لاپتہ ہیں، جبکہ 2025 کے پہلے 08 ماہ میں غیر قانونی اور عدالتی حراست کے دوران 1648 کشمیریوں کو شہید کیا گیا۔ جموں و کشمیر چیمبر آف کامرس کے مطابق طویل کرفیو اور مواصلاتی بندش کے باعث سیاحت سے وابستہ 44500 افراد روزگار سے محروم ہوئے، جبکہ عالمی اداروں کے مطابق وادی سے 2 ہزار سے زائد اجتماعی قبریں بھی دریافت ہوئی ہیں۔ مقبوضہ کشمیر میں 10 لاکھ لائسنس یافتہ مسلح افواج کے استثنیٰ کے باوجود کشمیری عوام 01 کروڑ 50 لاکھ انسانوں کے حقِ خودارادیت کے لیے پُرعزم ہیں اور پاکستان ان کی اخلاقی، سیاسی اور سفارتی حمایت جاری رکھنے کے عزم کو دہراتا ہے۔