حفیظ طاہر ’عینک والا جن‘ کا اینیمیٹڈ ورژن بنانے پر ناراض، کارروائی کا عندیہ

پاکستان ٹیلی وژن کے تاریخ ساز بچوں کے ڈرامے ’عینک والا جن‘ کے اینیمیٹڈ ری بوٹ کی بلا اجازت تیاری پر اصل مصنف حفیظ طاہر نے شدید برہمی کا اظہار کرتے ہوئے قانونی کارروائی کا اشارہ دے دیا ہے۔ پی ٹی وی پر ڈرامے کے اینیمیٹڈ کرداروں کے ٹیزرز نشر ہونے کے بعد مصنف حفیظ طاہر کا موقف سامنے آیا کہ اس پروجیکٹ کے لیے نہ تو ان سے اجازت لی گئی اور نہ ہی انہیں اعتماد میں لیا گیا۔ انہوں نے مصنوعی ذہانت (AI) کی مدد سے تیار کردہ اس ری بوٹ کے معیار پر شدید مایوسی کا اظہار کرتے ہوئے قانونی چارہ جوئی کا تحفظ محفوظ رکھا ہے۔ اس معاملے پر سوشل میڈیا پر بھی بحث چھڑ گئی ہے، جہاں متعدد صارفین اور سینئر اداکار عمیر رانا نے ان کے موقف کی حمایت کرتے ہوئے معاملے کو ‘ایکٹرز کلیکٹو ٹرسٹ’ کے سامنے اٹھانے اور قانونی راستہ اختیار کرنے کا مشورہ دیا ہے۔