امریکی محکمہ دادگستری کی تاریخ کی سب سے بڑی مہم, 10افراد کی شہریت منسوخ کرنے کا اقدام

امریکی محکمہ دادگستری (DOJ) نے ٹرمپ انتظامیہ کی جانب سے ملک کی تاریخ کے سب سے بڑے “ڈی نیچرلاائزیشن” (شہریت منسوخی) آپریشن کا اعلان کرتے ہوئے ۱۰ افراد کی امریکی شہریت کی منسوخی کے لیے مختلف وفاقی عدالتوں میں مقدمات دائر کر دیے ہیں۔ ان افراد پر بچوں کے جنسی استحصال، فلاحی و ہیلتھ کیئر فنڈز میں کروڑوں کی دھاندلی، جعلی شناخت اور منشیات کی اسمگلنگ جیسے سنگین جرائم میں ملوث ہونے کے باوجود نیچرلاائزیشن کے عمل کے دوران جھوٹ بولنے اور حقائق چھپانے کا الزام ہے۔ نائب اٹارنی جنرل ٹوڈ بلانچ کے مطابق قانون کے تحت نیچرلاائزیشن کے لیے اعلیٰ اخلاقی کردار (Good Moral Character) شرط ہے اور جنسی درندوں، ڈرگ ڈیلرز یا فراڈیوں کو امریکی شہریت کا غلط استعمال کرنے کی اجازت نہیں دی جائے گی۔ متاثرہ افراد میں یوسکمائیکل روڈریگز، مرتضیٰ علی، اوربانو وازکویز، مارٹن گارسیا کاردیئل اور دیگر غیر ملکی شامل ہیں جن کے خلاف فلوریڈا، ٹیکساس، اور یوٹاہ سمیت مختلف ریاستوں میں ۵ اگست 2026 کے قوانین کے تحت کارروائی کی جا رہی ہے۔