آبنائے ہرمز نہ کھلی تو ایران کو سخت فوجی کارروائی کا سامنا کرنا پڑے گا: ڈونلڈ ٹرمپ

امریکی صدر ڈونلڈ ٹرمپ نے خبردار کیا ہے کہ آبنائے ہرمز بہت جلد بحری آمدورفت کے لیے کھل جائے گی، اور اگر ایسا نہ ہوا تو ایران کو شدید ترین فوجی کارروائی کا سامنا کرنا پڑے گا۔ فاکس نیوز (Fox News) کو انٹرویو دیتے ہوئے صدر ٹرمپ نے انکشاف کیا کہ امریکا ایران پر ایک بڑا فوجی حملہ کرنے کے قریب تھا تاہم ایران کی درخواست پر مذاکرات کا آغاز ہوا، اور اگر یہ بات چیت ناکام ہوئی تو واشنگٹن انتہائی سخت جواب دے گا۔ انہوں نے واضح کیا کہ کسی بھی ممکنہ معاہدے میں تہران کو جوہری ہتھیار حاصل نہ کرنے کی لازمی ضمانت دینی ہوگی۔ ان کا کہنا تھا کہ اس وقت دونوں ممالک کے درمیان اچھے مذاکرات جاری ہیں، لیکن معاہدہ نہ ہونے کی صورت میں نتائج انتہائی سنگین ہوں گے۔ انٹرویو کے دوران انہوں نے ڈیموکریٹس کی پالیسیوں اور سوشلسٹ نظریات پر بھی شدید تنقید کی۔