اسحاق ڈار یروشلم سے متعلق وزارتی اجلاس میں شرکت کیلئے اردن پہنچ گئے

نائب وزیراعظم اور وزیرِ خارجہ سینیٹر اسحاق ڈار یروشلم سے متعلق اہم وزارتی اجلاس میں شرکت کے لیے اردن کے دارالحکومت عمان پہنچ گئے ہیں۔ ترجمان دفترِ خارجہ کے مطابق اس اعلیٰ سطح اجلاس کا بنیادی مقصد مقبوضہ بیت المقدس (یروشلم) میں تیزی سے بگڑتی ہوئی سیکیورٹی اور انسانی صورتحال پر مسلم امہ اور عالمی برادری کا متفقہ و مشترکہ موقف اختیار کرنا ہے۔ دورے کے دوران نائب وزیراعظم مقبوضہ فلسطینی علاقوں کی موجودہ سنگین صورتحال پر تبادلہ خیال کرنے اور سفارتی حکمتِ عملی مرتب کرنے کے لیے اجلاس میں شریک دیگر اہم ممالک کے وزرائے خارجہ کے ساتھ دو طرفہ سائیڈ لائن ملاقاتیں بھی کریں گے۔