گوگل کروم میں 3 بہترین فیچرز صارفین کیلئے متعارف

گوگل نے اپنے مقبول ترین ویب براؤزر ‘کروم’ کو جدید ٹیکنالوجی کے چیلنجز سے نمٹنے کے لیے تین نئے اور طاقتور فیچرز سے لیس کر دیا ہے۔ اگرچہ گوگل پہلے ہی اپنے براؤزر میں Gemini AI کو شامل کر چکا ہے، مگر تازہ ترین اپ ڈیٹ کا مقصد صارفین کے لیے ملٹی ٹاسکنگ اور فائل مینجمنٹ کو سادہ بنانا ہے۔

نئے فیچرز کی تفصیلات:

اسپلٹ ویو (Split View):
یہ فیچر ملٹی ٹاسکنگ کے شوقین افراد کے لیے بہترین ہے۔ اب صارفین ایک ہی ٹیب میں دو مختلف ویب پیجز ایک ساتھ کھول سکیں گے۔ مثلاً ایک طرف ویڈیو چلتی رہے گی اور دوسری طرف آپ اپنا کام جاری رکھ سکیں گے۔ اس کے لیے بس کسی ٹیب کو ونڈو کے دائیں یا بائیں جانب ڈریگ کرنا ہوگا۔

پی ڈی ایف اینوٹیشنز (PDF Annotations):
اب کروم میں پی ڈی ایف فائلز کو ایڈٹ کرنے کے لیے انہیں ڈاؤن لوڈ کرنے کی ضرورت نہیں ہوگی۔ صارفین براؤزر کے اندر ہی ٹیکسٹ کو ہائی لائٹ کر سکیں گے اور اپنے نوٹس (Notes) شامل کر سکیں گے۔

سیو ٹو گوگل ڈرائیو (Save to Google Drive):
اس فیچر کے ذریعے آپ کسی بھی فائل یا پی ڈی ایف کو کمپیوٹر کی ہارڈ ڈرائیو کے بجائے براہ راست اپنے گوگل ڈرائیو اکاؤنٹ میں محفوظ کر سکتے ہیں۔ یہ فائلز ڈرائیو میں “Save from Chrome” نامی فولڈر میں محفوظ ہوں گی تاکہ انہیں تلاش کرنا آسان ہو۔

مقابلے کی فضا:
ٹیک ماہرین کے مطابق، اوپن اے آئی (OpenAI) اور پریپلیکسٹی (Perplexity) جیسے حریفوں کے ‘ایجنٹک براؤزرز’ کے جواب میں گوگل اپنے کروم براؤزر کو زیادہ کارآمد بنا رہا ہے تاکہ صارفین کی توجہ برقرار رکھی جا سکے