معروف اداکارہ ندا یاسر کی نیو ایئر لک مذاق بن گئی

پاکستانی شوبز انڈسٹری کی معروف اداکارہ اور میزبان ندا یاسر ایک بار پھر سوشل میڈیا پر موضوعِ بحث بن گئی ہیں۔ حال ہی میں نئے سال کی تقریب کے موقع پر ندا یاسر نے سنہری سیکوئن مِڈ ڈریس کے ساتھ سیاہ لیگنگز زیب تن کیں، جبکہ اوپر سیاہ رنگ کا مختصر شرگ گرہ لگا کر پہنا ہوا تھا۔ تقریب میں ان کے خاندان کے دیگر افراد بھی سیاہ رنگ کے ملبوسات میں نظر آئے۔

سوشل میڈیا پر متعدد صارفین نے ندا یاسر کے لباس کو پرانا اور نامناسب قرار دیتے ہوئے تنقید کی۔ ایک صارف نے تبصرہ کیا کہ ایسا لگتا ہے جیسے وہ لنڈا کے کپڑوں کی تشہیر کر رہی ہوں، جبکہ ایک اور صارف نے لکھا کہ پیسہ کلاس نہیں خرید سکتا۔ بعض صارفین کا کہنا تھا کہ کچھ لوگ پوری زندگی گزار دیتے ہیں مگر باوقار لباس پہننے کا سلیقہ نہیں سیکھ پاتے اور ندا یاسر ان میں شامل ہیں۔

تاہم، دوسری جانب کئی مداحوں نے ندا یاسر کا دفاع بھی کیا اور مؤقف اختیار کیا کہ فیشن ایک ذاتی پسند ہے اور ہر فرد کو اپنی مرضی اور پسند کے مطابق لباس پہننے کا حق حاصل ہے۔