پنجاب کے تعلیمی بورڈز نے گیارہویں جماعت 2026 کے نتائج کا اعلان کر دیا

لاہور، راولپنڈی، ملتان اور فیصل آباد سمیت پنجاب کے تمام تعلیمی بورڈز نے انٹرمیڈیٹ پارٹ ون (گیارہویں جماعت) سالانہ امتحانات 2026 کے نتائج کا باقاعدہ اعلان کر دیا ہے۔

بورڈز کی جانب سے جاری کردہ اعداد و شمار کے مطابق مختلف اضلاع کے نتائج اور کامیابی کے تناسب کی تفصیلات درج ذیل ہیں:

لاہور تعلیمی بورڈ میں کامیابی کا مجموعی تناسب 60.03 فیصد رہا۔ امتحان میں کل 1 لاکھ 65 ہزار 245 امیدواروں نے شرکت کی، جن میں سے 99 ہزار 191 طلبہ کامیاب رہے جبکہ 66 ہزار امیدوار فیل ہو گئے۔

 ملتان بورڈ کا نتیجہ پنجاب بھر میں شاندار رہا جہاں کامیابی کا مجموعی تناسب 65.15 فیصد ریکارڈ کیا گیا۔ 68,375 شریک امیدواروں میں سے 44,547 کامیاب ہوئے۔ ملتان بورڈ میں پری میڈیکل گروپ 78.25 فیصد کامیابی کے ساتھ سرِفہرست رہا جبکہ پری انجینئرنگ گروپ کا نتیجہ 76.45 فیصد رہا۔

فیصل آباد بورڈ فیصل آباد میں کامیابی کا تناسب 61.68 فیصد رہا، جہاں 1 لاکھ 5 ہزار 663 طلبہ میں سے 65 ہزار 178 نے کامیابی حاصل کی۔گوجرانوالہ بورڈ چیئرپرسن اقصیٰ شبیر کے مطابق 1 لاکھ 35 ہزار 983 امیدواروں میں سے 79 ہزار 85 طلبہ کامیاب ہوئے اور کامیابی کی شرح 58.16 فیصد رہی۔راولپنڈی بورڈ  راولپنڈی میں کامیابی کی شرح 54.23 فیصد رہی۔ یہاں گرلز طالبات 62.13 فیصد کامیابی کے ساتھ ایک بار پھر لڑکوں (38.54 فیصد) سے آگے رہیں۔ بہاولپور بورڈ بہاولپور میں مجموعی کامیابی کا تناسب 53.46 فیصد رہا، جس میں ریگولر امیدواروں کا تناسب 54.33 فیصد جبکہ پرائیویٹ طلبہ کا تناسب 36.62 فیصد ریکارڈ کیا گیا۔