ڈکی بھائی دس لاکھ روپے کا چیک گفٹ ملنے پر تنقید کی زد میں آگئے

9 ملین سے زائد سبسکرائبرز کے حامل یوٹیوبر ڈکی بھائی نے اپنی سالگرہ پر مداحوں کے تحائف کھولتے ہوئے ایک مداح کی جانب سے 10 لاکھ روپے مالیت کا چیک وصول کیا اور اعلان کیا کہ یہ رقم وہ خیرات میں دیں گے۔ ویڈیو منظرِ عام پر آنے کے بعد سوشل میڈیا پر صارفین میں ردِعمل کی شدت دیکھی گئی، جہاں کچھ نے ان کی تعریف کی اور بعض نے اسے ’’ڈرامہ‘‘ اور توجہ حاصل کرنے کی کوشش قرار دیا۔ ڈکی بھائی حال ہی میں قانونی مشکلات کے بعد دوبارہ وی لاگنگ میں سرگرم ہو چکے ہیں۔