پاکستان میں تین دہائیوں میں پولیو کیسز میں 99.8 فیصد کمی ہوئی: عائشہ رضا فاروق

وزیراعظم کی فوکل پرسن برائے انسدادِ پولیو عائشہ رضا فاروق نے پولیو کے عالمی دن کے موقع پر اپنے خصوصی پیغام میں کہا ہے کہ پاکستان نے پولیو کے خلاف قومی مشن میں نمایاں کامیابیاں حاصل کی ہیں اور گزشتہ تین دہائیوں کے دوران ملک میں پولیو کیسز کی تعداد میں 99.8 فیصد کمی ریکارڈ کی گئی ہے۔ انہوں نے بتایا کہ انسدادِ پولیو کی مسلسل کوششوں سے ماحولیاتی نمونوں میں پولیو وائرس کی مثبت شرح بھی کم ہو کر 10 فیصد سے نیچے آ گئی ہے، جو قومی مشن میں اہم پیش رفت کی عکاسی کرتی ہے۔ عائشہ رضا فاروق نے پولیو ورکرز کی انتھک محنت اور شراکت داروں کا شکریہ ادا کرتے ہوئے اس عزم کا اعادہ کیا کہ تمام اداروں اور عوام کے تعاون سے پاکستان کو جلد مکمل طور پر پولیو سے پاک کر دیا جائے گا۔