آصفہ بھٹو کی یوتھ ڈویلپمنٹ سینٹر میں یومِ اقوامِ متحدہ کی تقریب میں شرکت

خاتونِ اول آصفہ بھٹو زرداری نے یوتھ ڈویلپمنٹ سینٹر کراچی میں یومِ اقوامِ متحدہ کے سلسلے میں منعقدہ تقریب میں شرکت کی اور مختلف اداروں و محکموں کے قائم کردہ سٹالز کا جائزہ لیا۔ اس موقع پر صوبائی وزیر سعید غنی، میئر کراچی مرتضیٰ وہاب اور سیکرٹری کھیل و امورِ نوجوانان سندھ سمیت دیگر اعلیٰ حکام بھی موجود تھے۔ تقریب میں اقوامِ متحدہ کے اداروں نے تعلیم، صحت، موسمیاتی تبدیلی اور پائیدار ترقی کے منصوبوں کو اجاگر کیا، جبکہ یو این پاکستان کی کنٹری ہیڈ نے سندھ حکومت کے بہترین انتظامات اور تعاون کو سراہا۔ تقریب میں شہریوں، بچوں اور نوجوانوں نے بڑی تعداد میں شرکت کی، جس کا بنیادی مقصد اقوامِ متحدہ کے فلاحی اقدامات اور امن و ترقی کے فروغ سے عوام بالخصوص youth کو روشناس کرانا تھا۔